Kosið um sameiningu Arnarneshrepps og Hörgárbyggðar 20. mars
Kjósa á laugardaginn 20. mars um sameiningu Arnarneshrepps og Hörgárbyggðar í Eyjafirði.
Kjörskrár vegna sameiningarkosninganna verða aðgengilegar almenningi annars vegar á skrifstofu Hörgárbyggðar í Þelamerkurskóla og hins vegar á skrifstofu Arnarneshrepps á Þrastarhóli frá morgundeginum, þriðjudeginum 9. mars.
Athugasemdum eða kærum skal koma á framfæri við sveitarstjórnir sveitarfélaganna og samkvæmt 10. gr. laga um kosningar til sveitarstjórna er heimilt að gera leiðréttingar á kjörskrá fram á kjördag.
Fundir um sameininguna verða haldnir í Hlíðarbæ á miðvikudag 10. mars klukkan 20.30 fyrir íbúa Arnarneshrepps og fimmtudag 11. mars klukkan 20.30 fyrir íbúa Hörgárbyggðar. Gestur fundanna verður Kristján L. Möller, samgöngu- og sveitarstjórnarráðherra. Einnig hefur verið gefið út kynningarrit vegna málsins og því dreift á öll heimili í sveitarfélögunum.
Nánari upplýsingar eru á vefjum sveitarfélaganna: