Fréttir - sveitarstjórnarmál
Ráðgjafarnefnd hitti forstöðumenn skólaskrifstofa og grunnskólafulltrúa
-
Ráðgjafarnefnd fundar með grunnskólafulltrúum
Ráðgjafarnefnd Jöfnunarsjóðs sveitarfélaga hélt á föstudag fund með forstöðumönnum skólaskrifstofa og grunnskólafulltrúum sveitarfélaga. Slíkir fundir eru haldnir árlega og fjallað um verkefni sjóðsins sem tengjast verkefni grunnskólans.
Á fundinum á föstudag kynnti Hulda Karen Daníelsdóttir, kennsluráðgjafi og verkefnastjóri, verkefnið sérfræðingateymi í samfélagi sem lærir og fleiri verkefni sem hún stýrir. Þá kynnti Björk Ólafsdóttir starf verkefnastjóra í skólamálum og síðast fjallaði Stefán Hreiðarsson, forstöðumaður Greiningar- og ráðgjafarstöðvar ríkisins, um túlkun á viðmiðunarreglum Jöfnunarsjóðs vegna framlaga til fatlaðra nemenda.
