Tekjustofnar sveitarfélaga endurskoðaðir

1.7.2009

Í samstarfsyfirlýsingu ríkisstjórnarinnar er kveðið á um skipan tekjustofnanefndar sem hafi það hlutverk að vinna tillögu um að breikka og styrkja tekjustofna sveitarfélaga. Með vísan til þess hefur samgönguráðherra nú skipað slíka nefnd. Nefndin er skipuð einum fulltrúa samgönguráðherra, einum fulltrúa fjármálaráðherra, þremur fulltrúum Sambands íslenskra sveitarfélaga, auk fulltrúa allra þingflokka sem starfa á Alþingi.

Verkefni nefndarinnar er að yfirfara lög nr. 4/1995 um tekjustofna sveitarfélaga, með síðari breytingum, með hliðsjón af ofangreindum markmiðum ríkisstjórnarinnar. Verkefni nefndarinnar er ennfremur að undirbúa nauðsynlegar breytingar á lögunum í tengslum við breytta verkaskiptingu ríkis og sveitarfélaga árið 2011.

Í nefndinni eiga sæti:

Gunnar Svavarsson, fulltrúi samgönguráðherra, en hann er jafnframt formaður nefndarinnar

Sigurður Guðmundsson, fulltrúi fjármálaráðherra

Árni Þór Sigurðsson, fulltrúi þingflokks Vinstri hreyfingarinnar græns framboðs

Birna Lárusdóttir, fulltrúi þingflokks Sjálfstæðisflokksins

Ragnheiður Hergeirsdóttir, fulltrúi þingflokks Samfylkingarinnar

Petrína Baldursdóttir, fulltrúi þingflokks Framsóknarflokksins

Þór Saari, fulltrúi þingflokks Borgarahreyfingarinnar

Elín Líndal, fulltrúi Sambands íslenskra sveitarfélaga

Lúðvík Geirsson, fulltrúi Sambands íslenskra sveitarfélaga

Sigrún Björk Jakobsdóttir, fulltrúi Sambands íslenskra sveitarfélaga

Með nefndinni starfa einnig sérfræðingar frá samgönguráðuneytinu og Sambandi íslenskra sveitarfélaga.

Senda grein