59. Framkvæmdastjórnin leggur fram nýja tillögu um fjármögnun flugverndar
Framkvæmdastjórnin lagði fram þann 11. maí 2009 tillögu að nýrri tilskipun um fjármögnun flugverndar. Gegn óskum Evrópuþingsins og flugrekenda kveður tillagan ekki á um að flugvernd skuli alfarið fjármögnuð af almannafé. Í tillögunni segir að flugvernd sé verkefni stjórnvalda en þeim beri einnig að ákveða með hvaða hætti hún sé fjármögnuð.
Gegnsæi er eitt af aðalmarkmiðum tillögunnar og eiga flugrekendur rétt á að fá einu sinni á ári sundurliðun á kostnaði til þess að sannreyna að gjöld séu ekki oftekin en þau eiga að vera byggð á kostnaði. Þá er lagt til að vilji flugvallayfirvöld breyta innheimtu beri þeim að hafa samráð við flugrekendur. Gert er ráð fyrir að ríkin hafi eftirlit með framkvæmd tilskipunarinnar sem á að gilda fyrir alla flugvelli, stóra og smáa.
Úttektir sýna að 35% útgjalda flugvalla eru vegna verndarráðstafana samanborið við 6-8% fyrir 11. september 2001.
Þetta má lesa í Europolitics 3751 sem finna má hér.